本來約左HelpX host 早上係車站接我地，等左一個早上竟然被人放左飛機，我地決定自己出市區遊。同埋我地係放棄左去尼個host到。(會再另外分享)
車站售票員只識小小英文，但都好幫忙，仲幫手打電話俾host。係雞同鴨講情況下，都收集到小小資料，我地決定去馬路邊等巴士。尼到係無站牌的，而大部分人都唔識講英文。
最後被個醉酒佬救左，佢英文好好，主動過來問我地要唔要幫忙。但佢第一句係問我地係米中國人，網友話千萬唔好認。我話係香港人唔係中國人。佢即刻話如果我地係中國人會即kill。佢身型好大隻(戰鬥民族麻，你懂的)，應該可以一拳打死人，無夸大，係真的。我地企係到等巴士，吹左勁多水，我其實心里堅驚，好驚講錯野。其間佢見到亞洲人樣一定問人係米中國人，睇來佢好想打人。
一開始佢叫我地唔好等巴士，話等到今晚都未必有，叫我地搭的士。我話我地無錢，想搭巴士，當下驚俾人老粒，老虎蝦扮窮先。因為尼到係無正牌的士，只有私人開的，人生路不熟，所以有得簡都唔想搭。但等左2個鐘，佢都頂唔順話請我地坐，最後我地都要屈服，我話我地可以自己俾錢的，但酒鬼都堅持幫我地俾。雖然只係5000T(HK20)，但又再一次見到蒙古人的熱情同幫助。重點係唔可以係中國人。
蒙古的士就係企係馬路邊，揮揮手有車停就係，等幾內又係靠運。大部分人都唔識英文，就算識都係小小，網上資料又唔多，真係好具挑戰性。
我地12點鐘離開車站，等車都用左2個幾鐘，出到市中心又塞車，到火車站已經3點幾4點。搵到旅館見5點仲有3個鐘天黑，我地就用左鐵腳快步去金丹寺同成吉思汗廣場。其實來蒙古主要係去體驗HelpX，所以資料都無睇過，景點都係show蒙文，真係唔知邊棟打邊棟。
Commenti