交通 : 長途巴士，€16.2/ppl (於Go Euro 查車料時間同價錢，再上巴士公司購買，上車點都有門市)
Vilnius嘅old town 係三個國家中最最old的，指嘅係建築都無維修甘，甩晒皮。經過前面兩個國家，尼到就已經無野特別了，但消費就Vilnius 最平。又試左網民推介的Forto Dvaras，果然無伏。留意反真係要認住個門口，單用餐廳名係搵唔到架。尼間餐廳又係地下室改建，其實真係我都係仲意坐露天，地下室通風唔太好，會聞到有霉味。試過就唔想再落地下室食飯。野食好味嘅，就係勁飽肚!
個餅似台灣肉圓，但糯米口感，好食，仲好飽肚，叫一隻share就差不多。 個血腸喺東歐尼邊都係出名的傳統食物，好味，就係太油。
如果對歷史有興趣，每日都會有free tour係 town hall (即係遊客中心)出發。我地無參加到，但就去左Trakai。尼個有個水上的城堡，幾值得去。可以搭火車過去，來回票價€3.8。車程9個字，半日已經好夠玩。門票係€8 ppl。
係遊客中心對開有間露天茶座，果到個beer個人覺得推介，但野食就認真麻麻。咖啡用啤酒杯裝甘唔講究，一上枱已經知中伏。沿住火車站過來水上城堡，半路有間似係特色本地菜式的餐廳，非常旺場，似乎好出名，因為睇過餐牌，啲野食唔多岩味口，就無去試，有興趣嘅勇者不妨試下。
玩完波羅的海三國，其實唔覺自己去左三個國家，建築差不多，文化差不多，野食又差不多。去自由行亦都易，網上資料多。 同埋當地人都識英文，一定搵到遊客中心。
Ps : 一般旅館都會有城市地圖，亦可以問到簡單資料。或者可以到遊客中心查詢。
Kommentarer