交通 : 於Leppneeme 搭乘Ferry , €6/ppl 網址 : http://www.veeteed.com/index.php?moodul=100&idc=1011062100010001000&l=9&al=10&idc=1011062100010001000
尼個小島係塔林乘坐一個鐘頭船到達。好多本地人放假會過來玩。小島沒有酒店，只有民宿，兩間餐廳，所有娛樂都要睇民宿提供咩服務。多數都係包船出海睇海豹，或者去其他島仔。
我地係民宿幫忙，最忙係星期五、六。因為要準備早午晚三餐給客人，淨切菜都可以切足一日。屋主煮野好好食，又會整下傳統小食，我都會偷下師。工作唔算辛苦，相反非常好玩，最仲意就係出海放網捕魚。
屋主養左好多動物，猫猫都有7只，兩只狗，1只兔仔，一群雞，一群羊。都係隨便甘圈養，隨處會見到佢地蹤影。隔離屋啲狗又會成日過來玩，真係好熱鬧。我甘大個人都未試過喂雞，原來啲雞真係可以食唔停，俾咩佢都食晒。仲要晒乾啲草俾羊食。
經過之前果兩次換宿，尼次真係算好嘆，食好住好，仲有休息時間。雖然有時都做超鐘，屋主兩公婆會請我地出街食飯補數。屋主真係算對得helper好好，野食都無慳住食，雪柜有咩你都可以拎來食，仲成日拎酒出來俾我地飲，好多都係Homemade嘅。
係尼到總算去左森林採野藍莓，不過真係好辛苦架。一來棵野生得好矮，要彎腰採。最可怕係森林勁多蚊，皮膚唔可以外露，即使著住衫都可以針到，而且又會勁癢。仲辛苦過打工。但最後整到個好好食嘅批，都係值得嘅。
仲意我地分享的朋友，可以訂閱我地的Youtube https://youtu.be/SLrZV4SIxsY
Comments