西伯利亞鐵路 - 烏蘭巴托(Mongolia) - 特勒吉國家公園 Terelj National Park

交通 : Local Tour 包車 US70 (其實係有巴士來的cost 2500T，但網上資料太少，智利朋友花左4日先搵到來)

去俄羅斯的火車要星期一先有，我地決定join local tour。去戈壁沙漠要花兩星期，於是我地簡左2日1夜去Terelj (US140 for 2ppl)，體驗蒙古包同騎馬仔。

私家車係10AM出發，去Terelj 車程係兩個鐘，但中間我地都去左參觀成吉思汗像。無咩特別的旅遊景點，最威水係有一隻打破健力士紀錄最高的皮boot。

1PM到左Terelj，個司機唔識英文，安排完蒙古包，幾點有飯食，騎馬完全無講。我地個tour包三餐的，等到2點先有中午食，味道OK啦，份糧都好足。食完飯先知司機唔知我地package包騎馬，又係一場雞鴨講，搞左一大輪先搞惦。

晚餐出奇只有雜菜肉碎湯，我地飲左2碗，天氣涷好消energy。很遺憾尼晚多雲睇唔到星，唔係應該會好壯觀。智利朋友話入夜會好涷，仲幫手起爐火，醒住唔覺涷所以唸住唔加柴，秒訓完無內我就涷醒左。

上廁所的心靈沖擊 : 一塊木加個窿已經好濕濕碎，想像一下，一開門上百隻烏英飛出來，來源來自個窿，你夠唔夠膽蹲落去。好彩佢仲有個“靚廁”。去廁所我都盡量忍到好急先去。