交通 : 鐵腳走天岸 (我地由9點行到6點，唔想行可以搭電車#1，#2。)
市區一日遊 Irkutsk的房屋都幾舊下，有d房屋仲甩晒皮甘。原來係19世紀有場大火燒晒成個irkutsk，新淨果啲係重建的。19世紀前房屋仲係用木起的，依家見到都用磚啦。跟住個地圖的遊覽路線，見得最多的就是教堂，外國無咩多，教堂、公園最多。帶有俄國風的洋蔥頭屋頂建築唔係好多，而我覺得最特別的係三層的窗，由里到外 : 鐵窗花，玻璃窗，木窗。要開個窗應該都可以搞半日。
中央市場 好仲意尼個market，咩都有。價錢平過超市。露天市場賣蔬菜、乾貨，室內賣肉，腸仔，芝士等等。我地行錯方向，問人果陣，佢地特登帶我地過來真係好好人，但我地就搞錯左以為係隔離個商場，仲唸緊點解咩都無。之後走果陣先見到有d菜檔，唔係真係蝕晒。
係附近有間大超市，上google可以查到地址。我地到林走先知有尼間野，平時都係去小超市買野，價錢唔算差好多，但花款選擇多。
電話卡 經過蒙古之旅，考慮到語言不通，無網路真係要用果陣叫地不靈，我地買左當地電信MTC sim card。價錢真係好平，5G/月價錢Rub150(HK20)，40G係Rub270。係中央市場的MTC買的，店員識英文。
每日都著錯衫中 剛到果陣落緊雨，溫度只有13度，但一定涷過係香港，感覺係8度。第日有陽光氣溫去到29度，但我著左freeze，仲有厚褲，毛boot。感覺俾火燒甘。真係天氣不似預期。但本地人又著羽絨架wo。
俄羅斯過馬路 綠燈閃的長度真係未行到已經完左。腳短啲可能要跑過去，我地已經訓練到急步沖過馬路啦。不過甘，就算你過唔切，車都會等埋你，係斑馬線等過佢地都會停，真係好禮讓。
俄羅斯人 聽朋友講俄羅斯人不太友善，好似成日都嬲左你甘。事實係佢地都好nice，問路果陣就算唔識英文，佢地都會用俄文教你點行，只係我地要自己估。 俄羅斯好多靚仔靚女，身型好高，好廋。女仔著得好fashion，似街到catwalk 。唔知係米我問題，蒙古同俄國都好多靚人，連啲阿婆我都覺得好靚。
Comments