交通 : ※ 建議搭火車 二連 - >烏蘭巴托 : 大巴 /上車 : 國際汽車站 RMB180 (票價包一餐飯)
7點已經到了二連，好多鋪頭都無開。就一路搵野食一路行去汽車站。背住十幾K的背狼行到汽車站，之後就完全唔想行返去火車站。大巴價錢平啲，10am開車，而火車要到下午才有。
買好車票，又係車站內便利店換左小小蒙圖。蒙國幣基本上離開蒙古就用唔到，亦換唔返，所以唔建議換多。
大巴中途要落車過關，聽唔明司機的蒙語，我地就跟大隊過關。但入外蒙關口，因為行李卡住，拎到果陣啲人已經唔見晒。又個關口咩鬼指示都無，行錯左路，行返轉頭又俾人問話，嚇到我啊，完全聽唔明啊。
買飛時被告知7pm就會到，點知成10點先到。而且車站位置偏離市區，附近燈光灰暗，要出市區只有搭私家車，考慮到蒙古夜晚治安唔好，半夜時間我地唔敢再周圍搵旅館，就決定係巴士公司大堂訓一晚，等早上再走。
如果有得簡多次，我一定改搭火車，火車是通宵的，臥鋪都係二百幾，星期一、二、五、六才有車，而售票處要9點先開門。下午17:10開車，第二朝10點幾到。
仲意我地分享的朋友，可以訂閱我地的Youture channel :https://youtu.be/Y_N5NF1K0aM
Comments