交通 : 俄國鐵路網購買(上車show e-ticket)，4,286P/ppl 網址 : www.psss.rzd.ru
之前入俄羅斯坐左 2nd Class, 去莫斯科就買左最平的 3rd Class。全程要坐4日5夜，雖然係平民級，但第一下真係嚇親。尼架車係無冷氣，加埋係太陽下晒左個幾鐘，入到車箱成個火爐甘，焗到不得了。同車竟然有團大陸旅行團，除鞋，除衫啊，真係要洗眼。然後你會發現同中國人同卡已經好好，外國人身到果股濃濃的古龍水味，會令你聞到想嘔。
值得提醒嘅係火車到站前後20-30min都會鎖廁所門，大概係因為沖廁係直落的，到站就近民居，不 衛生。
開車後有風吹入來，感覺都好啲。車開到郊外仲會有啲涷，火車上有提供暖墊。日頭都係焗，所以一到大站大家就會沖晒落車抖氣。真係難以想像夏天會係點。
當搭過尼種“差”的火車後，我覺得自己嘅接受能力真係幾強，由第一日覺得係難民營，第三日已經活動自如。係香港因為有更好的選擇。我地通常會挑三簡四，咩都投訴，覺得係理所當然，俾左錢就係大爺。當我地決定窮遊的同時，用慳錢的方式去旅行，我地就要去適應尼種生活落差。當地的生活水平真係無香港甘好，但簡簡單單，有咩就食咩，去接受當地的文化，去適應當地一般人的生活水平，無抱怨就生活得快樂。
Comments