由俄羅斯到芬蘭，再到波羅的海三國佢地都好興焗sauna。每家都必定有sauna屋，亦可能有好幾間。就算係城市住，公寓內都會有。佢地亦都會去公共場。
一般sauna溫度係80至100度，有啲會更高。我第一次焗唔夠5分鐘已經頂唔順，佢地可以坐係到個幾、兩個鐘。
之前喺日本浸完溫泉，起身果陣，風吹埋來都會覺得涷。但尼到焗完可以keep到成個幾鐘身都暖粒粒。明明係夏天，但氣溫得果幾度，只係中午太陽曬住先可以有27度。但基本上都係12度左右，夏天又多雨，落起雨來又跌多幾度，所以先要焗sauna出身汗同埋保暖。
芬蘭男女混焗，好怕羞 係芬蘭第一次試左，不過芬蘭興男女裸焗，佢地嘅文化係甘，但我好傳統。點奇怪，我都係包返條毛巾，真係好怕羞。我未去過公共場，但應該會有男女分開的。
愛沙尼亞沙灘焗sauna，好舒服 我地喺愛沙尼亞小島沙灘上被邀請一齊sauna。尼個係移動的sauna屋，里面又係燒木柴的。居然可以將sauna搬到海邊，焗完直接跳落海cool down。但係其實就算個身好熱，跳落水都係勁涷啊~~
愛沙尼亞人焗sauna一般不會男女裸混，就算係佢地都會圍住毛巾。除非係好好關係，唔係大家都會分開焗，一批批大家預好時間sauna。終於我地尼方面嘅思想接軌啦。所以係愛沙尼亞，一有機會我就會去焗。真係好正。
留言