Karajalohja : a national park near Helsinki
花左一日嘅時間由Mikkeli 落到西面。hitchhike左好多架車先到，差唔到9至7點。中間仲坐左架古老開蓬車，吹到個頭都就來甩。後尾一段我真係以為自己拖住背囊徒步行三公里。最後有個唔識英文的老人家特登兜我地去住宿處，感動到我將上一個host送我的禮物借花敬佛送左俾佢。
不一樣的芬蘭大叔 新host係個60歲老人家，但佢個樣根本唔似，所以以下簡稱佢為大叔。大叔係個artist，亦都打造緊佢間屋成為artist會所。
大叔平時一支公住，朝9晚4返工，返工前後仲要去湖邊游水，游完又要搞裝修緊的二樓。我地去到果陣間屋真係好污糟，碗碟無洗過，地下好多面包碎，垃圾桶滿晒，一大堆床單、地墊等緊洗，仲有佢自己一袋2袋的衫。完全可以用污糟邋遢來形容。大叔屬於性急嘅人，好急，用盡晒時間去做野，忙到無時間訓。有一日佢忽然中午返咗來，原來佢係做野果時，眼訓得制鍾左落枱。話要請假訓下，真係噢晒咀。
假期時，仲會有多兩個同屋主過來，但尼兩個就真係芬蘭人啦。pay hard work hea，玩樂大過天。喺郊外，放假我地都係行下森林，去下湖邊。其他野就係訓覺睇片。水溫15度已經算係好暖，非常唔錯，甚至再底啲佢地都可以游，我地尼啲熱帶人根本游唔到。可能尼個就係大叔保養好的秘密。
Ecological 有機
大叔個profile 有好詳細甘介紹佢個地方，但我睇唔明ecological (其實亦都係因為尼個字我先apply)。去到就發現城市人真係唔太接受，但我都忍到兩星期，好佩服自己嘅適應力。完全係因為個廁所，即係有倒夜香尼件事，不過可能就1-2個星期倒一次。雖然尼件事有其他人會處理，但係每次去完，心都唔舒服，己所不欲。<沖水廁所眼不見為乾淨。>
平時大叔返工，我地完成任務就可以收工，無王管最開心。但都係做家務，淋下田，淋下花，到佢放工又會教下我地裝修嘅野，show我地啲工具點用啊。來尼邊都有剪草，但部機就比之前host嘅先進，尼部自動行嘅，真係少啲力都拉唔住佢。來的不是時候，唔係我都好想入森林採菇，採berry，不過可能都要等到7月中到8月，所以有機會係其他國家試啦。
仲意我地分享的朋友，可以訂閱我地的Youtube
https://youtu.be/IPLUX2uxCAc
Comments